Япон улсын Засгийн газар боловсролын салбарын урт хугацааны төлөвлөгөөгөө хэлэлцэж тус салбарт хийгдэх хэд хэдэн шинэчлэлийг баталжээ.
2019 оны аравдугаар сараас эхлэн 3-5 насны бүх хүүхдэд сургуулийн өмнөх боловсролыг үнэ төлбөргүй олгохоор болсон байна.
Мөн энэхүү шийдвэрээс гадна бага орлоготой өрхийн хоёр хүртэлх насны хүүхдийг өдөр өнжүүлэхэд үнэгүй хамруулахаар болсон бол 2020 оноос эхлэн мөн бага орлогтой өрхийн их, дээд сургуульд сурч буй оюутнуудад тодорхой хэмжээний мөнгөн тэтгэмж, сургалтын тэтгэлэг олгохоор баталсан талаар тус улсын эх сурвалжууд мэдээлэв.
Эдгээр шийдвэрүүдийг хэрэгжүүлж, бодит болгосноор жил бүр буурсан үзүүлэлттэй гарах болсон тус улсын төрөлтийн түвшинг нэмэгдүүлэх боломжтойг Японы боловсролын салбарынхан дурджээ.
2019 онд Бага боловсролын салбараа дэмжинэ
Япон улс сургуулийн өмнөх боловсролд жилд нийт 776 орчим тэрбум иень төсөвлөхөөр тооцсон бөгөөд энэ нь ойролцоогоор долоон тэрбум ам.доллартай тэнцэх аж.
Ингэснээр сургуулийн өмнөх боловсрол олгож буй цэцэрлэгт хамрагдаж буй 3-5 насны нэг хүүхдэд олгох мөнгө нь 25,700 иень байх ба энэ нь ойролцоогоор 230 ам.доллар юм. Сурагчдын хоолны мөнгө үүнд багтаагүй ба тусад нь мөн олгох аж.
Япон улсын Засгийн газраас хэрэгжүүлж буй энэхүү хөтөлбөрийг хэрэгжүүлэхийн тулд сургуулийн өмнөх боловсрол олгож буй байгууллага болон цэцэрлэгт өндөр шалгуур тавьхаар зэхэж байгаа юм байна.
Орчуулгыг: ikon.mn
