Инженер технологийн дээд боловсрол төсөл энэ оны гуравдугаар сарын 11 ээс 15-ны өдөр төслийн долоо хоног арга хэмжээг зохион байгуулахаар төлөвлөж байна.
“Инженер технологийн дээд боловсрол” төслийн удирдах хорооны 26 дугаар хурлаар боллоо.
Энэ нь хамтарсан судалгааны баг хоорондын болон Монгол-Японы их, дээд сургуулиудын хамтын ажиллагааг хөгжүүлэх, эрдэм шинжилгээ, судалгааны ба бизнесийн байгууллагуудын хамтын ажиллагааг ойртуулах, мэдлэгийн эдийн засгийн эргэлтэд хувь нэмэр оруулах, төсөл ба хамтарсан судалгааны хөтөлбөрийн үр дүнг олон нийтэд сурталчлан таниулах зорилготой тус арга хэмжээний хүрээнд хийгдэх нэг том ажил нь Монгол-Японы хамтарсан судалгааны нэгдсэн хурал юм.
Хурлын үеэр Япон улсад энэ оны 4 дүгээр сараас зэргийн сургалт буюу судлаач оюутан, магистр, докторын хөтөлбөрт хамрагдах 16 оюутны нэрсийг баталж, хоёр оюутны суралцах хугацааг сунгасан байна.
Мөн “1000 инженер ба ажлын байр” өдөрлөг, нээлттэй хэлэлцүүлэг, танилцах аялал зэргийг хөтөлбөртөө багтаасан байна. Төслийн долоо хоног арга хэмжээний хөтөлбөрийг удирдах хорооны хурлын тогтоолоор баталсан байна.
Коосэн болон Бакалаврын хамтарсан хөтөлбөрийн 2019-2020 оны хичээлийн жилийн элсэлтийн урьдчилсан сорилыг улсын хэмжээнд зохион байгуулах шийдвэр, 2023 он хүртэл хэрэгжих төслийн хугацааг 2024 он хүртэл болгон нэг жилээр сунгасантай холбоотой төслийн зарим бичигт өөрчлөлт оруулах асуудлыг мөн хэлэлцэн шийдвэрлэжээ.
“Инженер технологийн дээд боловсрол” төслийн удирдах хорооны 26 дугаар хурал
