Дорноговь аймгийн Сайншанд сумын нутаг дэвсгэрт 2020 оны 03-р сарын 29-ний өглөөний 05 цаг 17 минутын орчимд Их Говь жуулчны баазаас баруун урагш төмөр зам дагуу 400-500 метр орчим газарт хуурай өвс шатаж, түймэр гарчээ.
Тус түймрийг босоо тэнхлэгийн авто замын постонд 24 цагаар үүрэг гүйцэтгэж байсан цагдаа зохицуулагч, цагдаагийн дэд ахлагч Ж.Энхтөр, Авто тээврийн төвийн тээвэр зохицуулагч Ч.Эрдэнэбаатар нар мэргэжлийн соргог мэдрэмж гарган, бүрэн унтрааж аймгийн Онгой байдлын бүрэлдэхүүнд 06 цаг 02 минутанд хүлээлгэн өгч ажилласан байна.
