Монголын сувилагчдын нийгэмлэгээс хоёр жилд нэг удаа уламжлал болгон зохион байгуулдаг спортын 4 төрөлт тэмцээн Дархан-Уул аймагт өнөөдөр /2019-09-07/ эхэллээ.
Төвийн бүсийн таван аймгийн нийт 100 орчим сувилагчид хурд хүч авхаалж самбаагаараа өрсөлдөж байна. Тэмцээн сагс, гар бөмбөг, ширээний теннис, шатар гэсэн 4 төрлөөр явагдаж байгаа бөгөөд эндээс шалгарсан баг улсын хэмжээнд өрсөлдөх эрхтэй болох юм. Өнөөдөр Монгол Улсад 11 мянга гаруй сувилахуйн мэргэжилтэн бэлтгэгдээд байгаа бөгөөд Дархан-Уул аймагт 600 орчим сувилагч ажиллаж байна.
Эх сурвалж: Дархан-Уул аймгийн ЗДТГ
